2022 йилнинг 4 июнь куни Самарқанд шаҳрида жойлашган "SamAvto" МЧЖ ҚКда, завод вакиллари томонидан худудлардан ташриф буюрган санитар тозалаш хизматларини кўрсатувчи корхоналар учун сайёр учрашув ташкил этилди. Учрашув давомида, иштирокчиларга заводда ишлаб чиқарилаётган "ISUZU" русумли транспорт воситалари ва махсус техникалар, шу жумладан чиқинди ташувчи техникаларнинг техник имкониятлари, ишлаб чиқариш жараёни ва автотранспорт воситаларини ҳарид қилиш имкониятлари таништирилди. Мазкур учрашувда, "Узавтосаноат-Лизинг" МЧЖ вакиллари ҳам иштирок этишди ва "ISUZU" русумли чиқинди ташувчи техникаларини лизинг асосида ҳарид қилиш имкониятлари ва лизинг афзалликлари тўғрисида маълумот берилди.